Шорац Андрэй Віктаравіч

Нарадзіўся 12 красавіка 1973 года ў г. Віцебску. Закончыў Віцебскі дзяржаўны тэхналагічны ўніверсітэт па спецыяльнасці «Тэхналогія машынабудавання»; Акадэмію кіравання пры Прэзідэнце Рэспублікі Беларусь па спецыяльнасці «Дзяржаўнае кіраванне».

Працоўную дзейнасць пачаў інжынерам-тэхнолагам акцыянернага таварыства «Віцебскі прыборабудаўнічы завод», дзе пазней працаваў намеснікам начальніка па тэхналагічнай падрыхтоўцы цэха. Быў першым сакратаром Кастрычніцкага райкама г. Віцебска Віцебскага абласнога камітэта Беларускага патрыятычнага саюза моладзі. Працаваў вядучым інжынерам аддзела тэхнічнага і камплектацыі ўпраўлення капітальнага будаўніцтва, тэхнічнага развіцця і камплектацыі, начальнікам упраўлення якасці Віцебскага абласнога саюза спажывецкіх таварыстваў. Займаў пасады начальніка аддзела энергетыкі і транспарту ўпраўлення прамысловасці, энергетыкі і транспарту, начальніка аддзела энергетыкі, транспарту і сувязі, начальніка ўпраўлення жыллёва-камунальнай гаспадаркі Віцебскага аблвыканкама, намесніка Міністра жыллёва-камунальнай гаспадаркі Рэспублікі Беларусь, Міністра жыллёва-камунальнай гаспадаркі Рэспублікі Беларусь.

Старшыня Мінскага гарадскога выканаўчага камітэта.

Узнагароджаны юбілейнымі медалямі.