Маркевіч Васілій Пятровіч

Нарадзіўся 12 красавіка 1958 года ў вёсцы Рудаўка Слонімскага раёна Гродзенскай вобласці.

Скончыў Гродзенскі сельскагаспадарчы інстытут, заатэхнія.

Заслужаны работнік сельскай гаспадаркі Рэспублікі Беларусь.

Служыў у радах Савецкай Арміі. Працаваў агентам-экспедытарам, брыгадзірам, начальнікам бройлернага цэха, начальнікам цэха бацькоўскага статку і рамонтнага маладняку, выконваючым абавязкі галоўнага заатэхніка — намесніка дырэктара бройлернай птушкафабрыкі «Дружба» Баранавіцкага раёна, намеснікам дырэктара — галоўным заатэхнікам, выконваючым абавязкі дырэктара, дырэктарам, генеральным дырэктарам рэспубліканскага ўнітарнага вытворчага сельскагаспадарчага прадпрыемства «Птушкафабрыка «Дружба».

Генеральны дырэктар адкрытага акцыянернага таварыства «Птушкафабрыка «Дружба» Баранавіцкага раёна.

Узнагароджаны медалём «За працоўныя заслугі».