Дадзенае Пагадненне падпісана ў г. Мінску 20 красавіка 2016 г. і заключана ў мэтах далейшага ўмацавання беларуска-эстонскіх зносін.
Пагадненне прадугледжвае выдачу дыпламатычнымі прадстаўніцтвамі і консульскімі ўстановамі Рэспублікі Беларусь грамадзянам Эстонскай Рэспублікі віз, якія даюць права знаходзіцца на тэрыторыі Рэспублікі Беларусь да 180 дзён на працягу года, але не больш за 90 дзён на працягу паўгода, з даты першага ўезду. Такое права прадугледжана таксама для беларускіх грамадзян.
Акрамя таго, грамадзяне Эстонскай Рэспублікі вызваляюцца ад неабходнасці рэгістрацыі на тэрыторыі Рэспублікі Беларусь на перыяд знаходжання да 30 дзён з даты ўезду пры наяўнасці міграцыйнай карты, належным чынам аформленай пры ўездзе ў Рэспубліку Беларусь.