Раманаў Алег Аляксандравіч

Нарадзіўся 9 жніўня 1975 года ў горадзе Гродне. 
Скончыў Гродзенскі дзяржаўны ўніверсітэт імя Я.Купалы, аспірантуру Гродзенскага дзяржаўнага ўніверсітэта імя Я.Купалы, дактарантуру Інстытута філасофіі НАН Беларусі. 
Доктар філасофскіх навук, прафесар.
Працаваў псіхолагам сярэдняй школы № 34 г. Гродна, выкладчыкам, старшым выкладчыкам, дацэнтам, прафесарам кафедры філасофіі, першым прарэктарам установы адукацыі «Гродзенскі дзяржаўны ўніверсітэт імя Янкі Купалы», рэктарам установы адукацыі «Полацкі дзяржаўны ўніверсітэт».
Старшыня рэспубліканскага грамадскага аб'яднання «Белая Русь».
Старшыня Беларускай партыі «Белая Русь».
Узнагароджаны граматай Міністэрства адукацыі Рэспублікі Беларусь, ганаровымі граматамі Нацыянальнага сходу Рэспублікі Беларусь, Адміністрацыі Прэзідэнта Рэспублікі Беларусь і Гродзенскага аблвыканкама, Ганаровай граматай Савета Міжпарламенцкай Асамблеі дзяржаў — удзельніц Садружнасці Незалежных Дзяржаў.