Нацыянальны дыялог не заканчваецца

Старшыня Пастаяннай камісіі Савета Рэспублікі па заканадаўстве і дзяржаўным будаўніцтве Сяргей Сівец акцэнтаваў увагу на тым, што з прыняццем змяненняў і дапаўненняў у Канстытуцыю пачнецца вялікая праца ў сферы заканатворчасці. 

Сяргей Сівец. Фота: БелТА

«Аб’ём паправак істотны і закранае ўсе структурныя элементы нашага Асноўнага Закона, пачынаючы ад прэамбулы і заканчваючы заключным пераходным палажэннем. Але ключавыя пазіцыі, якія датычацца канстытуцыйнага ладу, прававога статусу асобы, выбарчай і палітычнай сістэмы нашай краіны яны застаюцца нязменнымі. Усе гэтыя навацыі — гэта следства агульнанацыянальнага дыялогу, які ўжо шмат месяцаў праходзіць у нашай краіне, актарамі выступаюць грамадзяне, якія выказалі жаданне паўдзельнічаць у лёсе сваёй краіны. Тая колькасць прапаноў, якая паступіла падчас дыялогавых пляцовак, сустрэч, у рамках агульнанароднага абмеркавання ўжо падрыхтаванага праекта сведчыць аб тым, што тыя папраўкі прапанаваныя ў Канстытуцыю сапраўды народныя. І як справядліва адзначыў Кіраўнік дзяржавы, яны ўнесены не кабінетна, у галосна, транспарэтна, інклюзіўна з прыцягненнем усіх грамадзян, якім не абыякавы лёс сваёй краіны. Нацыянальны дыялог не скончыўся сёння. У мяне ёсць унутраная ўпэўненасць, што грамадзяне падтрымаюць праект змяненняў і дапаўненняў. І лічбы датэрміновага галасавання сведчаць аб тым, што беларусы прымаюць сэрцам тыя змяненні і дапаўненні, якія вынесены на рэспубліканскі рэферэндум. Дыялог не заканчваецца, нам трэба будзе перафарматаваць істотна прававую сістэму нашай дзяржавы з улікам тых канстытуцыйных навацый, якія будуць прыняты на рэферэндуме. Нас чакае працяг нацыянальнага дыялогу і вельмі сур’ёзная заканатворчая работа», — сказаў ён. 

Сяргей Сівец расказаў, што на працягу двух гадоў давядзецца змяніць каля 100 заканадаўчых актаў. Трэба будзе прыняць закон аб Усебеларускім народным сходзе, паколькі гэтаму органу спадзяецца канстытуцыйна-прававы статус і дастаткова шырокая лінейка паўнамоцтваў. Зазнае змены выбарчы кодэкс. Лінейка першачарговых заканадаўчых актаў, над якімі прыйдзецца сур’ёзна папраццаваць дастаткова шырокая.