![Сенатары падтрымалі Ігара Карпенку на пасадзе старшыні ЦВК і абралі шэсць членаў Цэнтрвыбаркама Сенатары падтрымалі Ігара Карпенку на пасадзе старшыні ЦВК і абралі шэсць членаў Цэнтрвыбаркама](https://sovrep.gov.by/images/storage/opinion/000642_490531.jpg)
Прызначанага кіраўніком краіны старшыню ЦВК Ігара Карпенку, згодна з заканадаўчай працэдурай, павінны ўзгадніць члены Савета Рэспублікі.
— Я ўдзячны Кіраўніку дзяржавы за аказаны мне давер. Разумею ўсю адказнасць, якую нясе старшыня ЦВК па правядзенні рэспубліканскаму рэферэндуму, — звярнуўся да сенатараў Ігар Карпенка. — З прыняццем магчымых паправак у Канстытуцыю, нам прыйдзецца сур’ёзна працаваць у заканадаўчай галіне выбарчага права. Тут я спадзяюся на падтрымку дэпутацкага корпуса, членаў Савета Рэспублікі і ўсіх, хто прымае ўдзел у выбарчым працэсе.
Ён адзначыў, што сярод задач: аналіз існуючага айчыннага вопыту і іншых краін, каб выбудаваць сваю нацыянальную выбарчую сістэму ў інтарэсах беларускага грамадства і суверэнітэту дзяржавы.
— Я не па чутках ведаю гэтую працу, таму што працаваў у камітэтах гарадской камісіі, доўгі час удзельнічаў у дзейнасці ўчастковых камісій у якасці дэпутата Палаты прадстаўнікоў. На гэтую пасаду я абіраўся двойчы, таму ўвесь выбарчы працэс я бачыў і з іншага боку, — расказаў аб сваім вопыце Ігар Карпенка. — Я разумею ўвесь гэты працэс як ён працуе знутры. Таму з апорай на новую каманду, на членаў камісіі, на апарат усе зацікаўленыя бакі выбарчага працэсу будуць выконваць сваю працу сумленна, добрасумленна, у адпаведнасці з нашай Канстытуцыяй і заканадаўствам.
Як адзначыў намеснік кіраўніка Адміністрацыі Прэзідэнта Рэспублікі Беларусь Ігар ЛУЦКІ, даючы ацэнку кандыдатуры новага старшыні ЦВК, Ігар Карпенка – вядомы ў краіне чалавек, моцны, падрыхтаваны кіраўнік, які прайшоў добрую кіраўніцкую школу.
— Ён праявіў свае лідарскія і арганізатарскія здольнасці падчас работы на кіруючых пасадах у сістэме вышэйшай адукацыі. Затым паспяхова працаваў у органах заканадаўчай і выканаўчай улады, узначальваў Пастаянную камісію Палаты прадстаўнікоў па міжнародных справах і сувязях з СНД, быў намеснікам старшыні Мінгарвыканкама, міністрам адукацыі.
Ён падкрэсліў, што Ігар Карпенка прадэманстраваў высокі прафесіяналізм, уменне знаходзіць найбольш эфектыўныя шляхі вырашэння пастаўленых задач. Ён шчыра перажывае за лёс краіны.
— Ігар Васільевіч таксама вядомы сваёй актыўнай грамадскай пазіцыяй. Неаднаразова прымаў удзел у арганізацыі і правядзенні выбарчых кампаній. У 2006 і 2010 гадах узначальваў Мінскую гарадскую выбарчую камісію па выбарах Прэзідэнта Рэспублікі Беларусь. Цесна ўзаемадзейнічаў з Цэнтрвыбаркамам у перыяд працы ў Мінгарвыканкаме. На практыцы ўжываў нацыянальнае выбарчае заканадаўства, — адзначыў Ігар Луцкі.
Ён выказаў упэўненасць, што спецыфіка дзейнасці Цэнтральнай выбарчай камісіі новаму старшыні вядомая, таму ён можа адразу ўвайсці ў працоўны выбарчы працэс.
— Ігар Карпенка ўзначаліць Цэнтрвыбаркам ў вельмі няпросты і адказны перыяд, бо ў самы бліжэйшы час трэба будзе арганізаваць рэспубліканскі рэферэндум па змяненні Канстытуцыі Рэспублікі Беларусь, — нагадаў Ігар Луцкі і выказаў меркаванне, што з гэтай і іншымі важнымі задачамі ўвесь абноўлены склад ЦВК пад кіраўніцтвам Ігара Карпенкі паспяхова справіцца.
Сенатары падтрымалі яго кандыдатуру аднагалосна.
Як паведаміў старшыня Пастаяннай камісіі Савета Рэспублікі па заканадаўстве і дзяржаўным будаўніцтве Сяргей СІВЕЦ, 21 снежня 2021 года завяршаецца тэрмін паўнамоцтваў членаў Цэнтральнай выбарчай камісіі, які абмежаваны пяццю гадамі. У адпаведнасці з Выбарчым кодэксам, абласныя выканаўчыя камітэты ў склад ЦВК рэкамендавалі наступныя кандыдатуры:
— ГУРЖЫЙ Андрэй Анатольевіч, першы намеснік начальніка галоўнага ўпраўлення, начальнік адзела арганізацыйна-метадычнай работы галоўнага ўпраўлення юстыцыі Гомельскага аблвыканкама;
— ДАРАШЭНКА Вольга Леанідаўна, намеснік начальніка галоўнага ўпраўлення юстыцыі Магілёўскага абласнога выканаўчага камітэта, начальнік аддзела прававога забеспячэння дзейнасці Магілёўскага аблвыканкама;
— ЛАСЯКІН Аляксандр Міхайлавіч, дырэктар установы адукацыі Віцебскага дзяржаўна-тэхнічнага каледжа;
— КУНЦЭВІЧ Алена Канстанцінаўна, першы намеснік начальніка галоўнага ўпраўлення арганізацыйна-кадравай работы Мінскага аблвыканкама;
— ТКАЧОЎ Аляксандр Генадзевіч, намеснік генеральнага дырэктара па бяспецы, рэжыму і кадрам рэспубліканскага ўнітарнага прадпрыемства вытворчага аб’яднання «Беларусьнафта»;
— ФЕДАСЕНКА Кацярына Аляксандраўна, начальнік аддзела па рабоце са зваротамі грамадзян і юрыдычных асоб Гродзенскага аблвыканкама.
— Згодна з заканадаўствам, Цэнтральная камісія ствараецца з грамадзян Рэспублікі Беларусь, якія маюць як правіла вышэйшае. Усе кандыдаты — грамадзяне Рэспублікі Беларусь, якія маюць вышэйшую, у тым ліку юрыдычную адукацыю, а таксама вопыт у арганізацыі і правядзенні выбарчых кампаній рознага ўзроўню, — паведаміў калегам Сяргей Сівец. — Пры гэтым Гуржый Андрэй Анатольевіч, Дарашэнка Вольга Леанідаўна і Ласякін Аляксандр Міхайлавіч уваходзяць у дзеючы склад Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў.
Шляхам тайнага галасавання члены Савета Рэспублікі аднагалосна пагадзіліся з прапанаванымі кандыдатурамі.
Все интервью